డి.ఎల్‌.రవీంద్రారెడ్డి

రాజ‌కీయాల్లో సుదీర్ఘ అనుభ‌వం క‌లిగిన నాయ‌కుల్లో ర‌వీంద్రారెడ్డి ఒక‌రు. అటు పార్టీలోనూ ఇటు ప‌లు ముఖ్యమంత్రుల వ‌ద్ద మంత్రివ‌ర్గంలోనూ ప‌ద‌వులు నిర్వహించి త‌న‌కు తానే సాటిగా విభిన్నశైలిలో న‌డుస్తున్న నాయ‌కుడిగా ర‌వీంద్రారెడ్డిని చెప్పవ‌చ్చు. రాష్ట్ర విభజన నేపథ్యంలో కాంగ్రెస్‌ పార్టీకి ఆంధ్రప్రదేశ్‌లో మనుగడ లేదని గుర్తించి 2014 ఎన్నికలకు దూరమై రాజకీయ చతురతను ప్రదర్శించారు. వైద్య వృత్తి చేప‌ట్టి ప్రజా సేవ‌కు అంకిత‌మైన ర‌వీంద్రారెడ్డి 1978లో స్వతంత్ర అభ్యర్థిగా రాజ‌కీయ ఆరంగ్రేటం చేసి 2009 ఎన్నిక‌ల‌తో శాస‌న‌స‌భ‌కు ఎనిమిది ప‌ర్యాయాలు పోటీ చేసి ఆరుసార్లు విజ‌యం సాధించి రాష్ట్ర చ‌రిత్రలోనే ఆరుసార్లు ఎన్నికైన అతి కొద్దిమందిలో ఒకరిగా ర‌వీంద్రారెడ్డి నిలిచారు. స్వతంత్ర అభ్యర్థిగా రాజ‌కీయ రంగ ప్రవేశం చేసినా ఆత‌ర్వాత కాంగ్రెస్‌లో పార్టీలో చేరి అదే పార్టీలో నేటికి కొన‌సాగుతూ పార్టీలో సీనియ‌ర్ నాయ‌కుడిగా ఉన్నారు. నియోజ‌క‌వ‌ర్గం ఏర్పాటు నుంచి 2009 ఎన్నిక‌ల దాకా అత్యధిక ఆధిక్యత‌తో విజేత‌గా (1989లో 33,358 ఓట్లు) నిలిచిన ఘ‌న‌త ర‌వీంద్రారెడ్డికే ద‌క్కుతుంది. అతి త‌క్కువ ఆధిక్యతో (1994లో 24 ఓట్లు) విజేత‌గా నిలిచిన నాయ‌కుడిగా ర‌వీంద్రారెడ్డికే రికార్డు ఉంది.
ప్రత్యేకతః ర‌వీంద్రారెడ్డి రాజ‌కీయ ఎన్నిక‌ల జీవితంలో రెండుసార్లు విజ‌యం సాధించ‌డం ఒక‌సారి ఓట‌మి చెంద‌డం గ‌మ‌నార్హం. వ‌రుస‌గా 1978, 1983లో విజ‌యం సాధించారు. 1985లో ఓట‌మి చెందారు. మ‌ళ్లీ 1989, 1994లో గెలుపొందారు. 1999లో ఓడిపోయారు. 2004, 2009లో విజ‌యం సాధించారు. 2009 ఎన్నిక‌ల‌తో ఎంపీగా ఎన్నికైన జ‌గ‌న్మోహ‌న్‌రెడ్డి కాంగ్రెస్ పార్టీతో విబేధించి పార్లమెంట్ స‌భ్యత్వానికి రాజీనామా చేయ‌డంతో అనివార్యమైన ఉప ఎన్నిక‌ల‌తో (2012) వైఎస్సార్‌సీపీ త‌ర‌పున పోటీ చేసిన జ‌గ‌న్మోహ‌న్‌రెడ్డికి పోటీగా కాంగ్రెస్ పార్టీ త‌ర‌పున ర‌వీంద్రారెడ్డి పోటీ చేశారు. డిపాజిట్ కోల్పోయారు.
ప‌ద‌వీయోగం: 1991 నుంచి 1994 మ‌ధ్య నేదురుమ‌ల్లి జ‌నార్ధన్‌రెడ్డి, కోట్ల విజ‌య‌భాస్కర‌రెడ్డిల మంత్రి వ‌ర్గంలో ర‌వీంద్రారెడ్డి చిన్ననీటిపారుద‌ల‌, విద్యుత్తు, రెవెన్యూ, వైద్య ఆరోగ్య శాఖ‌ల‌ను నిర్వహించారు. 2004 ఎన్నిక‌ల‌తో రాష్రంలో కాంగ్రెస్ ప్రభంజ‌నంతో జిల్లా వాసి రాజ‌శేఖ‌ర‌రెడ్డి ముఖ్యమంత్రి అయినా జిల్లాకు మంత్రి ప‌ద‌వులు ద‌క్కలేదు. 2009 ఎన్నిక‌ల త‌ర్వాత క‌డ‌ప శాస‌న‌స‌భ్యుడు మ‌హ్మద్ అహ్మదుల్లాకు ప‌ద‌వి వ‌రించింది. జిల్లాలో సీనియ‌ర్ నాయ‌కుడిగా ర‌వీంద్రారెడ్డి ఉన్నా అవ‌కాశం క‌ల్పించ‌లేదు. వై. ఎస్‌.మ‌ర‌ణానంత‌రం రోశ‌య్య ముఖ్యమంత్రిగా ప్రమాణ స్వీకారం చేసినా మంత్రి వ‌ర్గం విస్తరించ‌లేదు. కిర‌ణ్‌కుమార్‌రెడ్డి ముఖ్యమంత్రి అయ్యాక వైద్య, ఆరోగ్య, విద్య, రాజీవ్ ఆరోగ్య శ్రీ, 108, 104, కుటుంబ‌సంక్షేమం శాఖ‌, ఆంధ్రప్రదేశ్ ఎయిడ్స్ నియంత్రణ మండ‌లిలు ర‌వీంద్రారెడ్డికి కేటాయించారు. మ‌లివిడ‌త విస్తర‌ణ‌లో వైద్యంతోపాటు విద్య, 108, 104, రాజీవ్ ఆరోగ్యశ్రీ ప‌దవుల‌కు కోత పెట్టారు. ఆరోగ్య, కుటుంబ‌సంక్షేమం శాఖ‌, ఆంధ్రప్రదేశ్ నియంత్రణ మండ‌లితో స‌రిపెట్టారు. శాఖ‌ల కోత‌పై మంత్రి ర‌వీంద్రారెడ్డి అప్పట్లో తీవ్ర అసంతృప్తిని వ్యక్తం చేశారు.

April 15, 2018

Leave a Reply

Your email address will not be published. Required fields are marked *