గరిష్ట ఉష్ణోగ్రతలు, వడగాల్పులతో ప్రమాదం

వార్తలు
1,085 Views

జిల్లాలో రానున్న రోజుల్లో ఉష్ణోగ్రతలు పెరగనున్నాయని, వడగాల్పులు ఎక్కువ అవనున్న నేపథ్యంలో ప్రజలు అప్రమత్తంగా ఉండాలని జిల్లా కలెక్టర్ సి.హరికిరణ్ ఒక ప్రకటనలో పేర్కొన్నారు. గరిష్ట ఉష్ణోగ్రతలతో వడగాడ్పుల ముప్పు పొంచి ఉందన్నారు.

*తీసుకోవలసిన జాగ్రత్తలు – సూచనలు :*

*** రోహిణి కార్తె సమీపించినందున ఎండలు పెరుగుతాయి. ప్రజలు జాగ్రత్తగా ఉండాలి.

*** వృద్ధులు, పిల్లలు మరింత అప్రమత్తంగా ఉండాలి. వేడివల్ల డీహైడ్రేషన్‌ బారినపడే ప్రమాదం ఎక్కువ.

*** నీళ్లు, మజ్జిగ, కొబ్బరి నీరు లాంటివి ఎక్కువగా తీసుకోవాలి.

*** వేడి నుంచి కొంత ఉపశమనం కోసం లేత రంగులో ఉండే వదులైన దుస్తులు ధరించాలి.

*** ఎండ వేళ వీలైనంత వరకూ బయటకు వెళ్లకపోవడం ఉత్తమం. తప్పనిసరి పరిస్థితుల్లో వెళ్లాల్సి వస్తే తల, మొహంపై నేరుగా సూర్య కిరణాలు పడకుండా టోపీ లేదా తలపాగా ధరించాలి. లేదంటే గొడుగు వాడాలి.

*** శరీరంలో నీరు, లవణాలు చెమట వేడివల్ల ఎక్కువగా బయటకు వెళ్లే అవకాశం ఉన్నందున ఉప్పు కలిపిన మజ్జిగ ఎక్కువసార్లు తీసుకోవడం మంచిది.

*** వృద్ధులు, దీర్ఘకాలిక వ్యాధులున్న వారు గది వాతావరణం కొంత చల్లగా ఉండేలా కిటికీలకు వట్టివేళ్లు లాంటివి కట్టి.. నీరు చల్లడం లాంటి ఏర్పాట్లు చేసుకోవాలి.

*** ఏదైనా అత్యవసరమైతే సమీపంలోని ప్రభుత్వ, ప్రైవేటు వైద్యశాలలకు వెళ్లాలని వైద్యులను సంప్రదించి వారిచే సూచనలు సలహాలు పాటించాలి.

*** అవసరం అయితే ప్రభుత్వం సూచించిన మేరకు వైఎస్ఆర్ టెలి మెడిసిన్ వైద్యసేవల టోల్ ఫ్రీ నెంబర్ 14410 కు లేదా టెలీ కన్సల్టెన్సీ కోసం 08562-244070 నెంబరుకు ఫోన్ చేసి వైద్య సేవలను సద్వినియోగం చేసుకోవాలి.
ప్రజలందరూ ఎండల నుంచి కాపాడుకుంటూ తగు జాగ్రత్తలు పాటిస్తూ… ఆరోగ్యవంతులుగా ఉండాలని కలెక్టర్ ఆ ప్రకటనలో పేర్కొన్నారు.



Leave a Reply

Your email address will not be published. Required fields are marked *